Foi no meio-dia deste domingo quando umha marcha solidária percorreu o centro da capital galega atrás de umha faixa com a legenda "Polas liberdades democráticas plenas, polo arquivo definitivo da montagem político-judicial contra 9 independentistas". Umha segunda faixa reclamou "democracia para a Galiza".
Representantes de coletivos sociais, sindicais, políticos, feministas, culturais, etc, participárom na convocatória, coreando palavras de ordem polo exercício livre dos direitos fundamentais e contra a Audência Nacional espanhol, que protagoniza habitualmente perseguiçom judicial por motivos políticos nom só contra o independentismo galego, mas também contra outros coletivos e ativistas sociais do nosso país.
Um manifesto de apoio à campanha solidário serviu de preparaçom para esta iniciativa social, que coincide no tempo com a iminente conclusom da fase de instruçom do caso, que deverá dar passagem quer ao arquivamento da causa, quer a umha nova fase do processo contra as 9 pessoas que sofre esta iniciativa repressiva.
(Com o Diário Liberdade)
Nenhum comentário:
Postar um comentário